صندوق الكراكيب

كان لازم أفكر و أقرر أنا هعمل إيه بالترتيب
واحد أنا هنسي .. أنا هنسي عشان التفكير عيب
اتنين مش هستأذن من قلبي علشان قلبي فاهمني بشكل غريب
و تلاتة دة رقم انا مبحبوش ف هسيبه ف صندوق الكراكيب
أربعة مش هغيب .. و لو إضطريت ف هحاول أسيب .. حاجة تطمن
خمسة انا هطمن ..و هلاقي البر 
ستة مش هقول انا حرّ.. علشان لو حر مكنتش أحس بحمل مريب
سبعة لازم أبدأ .. علشان سبعة و عشرة هكون مليت
 و تمانية هحاول مغضبش علشان ياما إستنيت
تسعة انا حنيت علشان حسيت إني لوحدي
عشرة هعدي .. و هنسي إني إتهديت
كان لازم أفضي صندوق الكراكيب
كان لازم أبطل أٌقول كان 
كان لازم أبطل اخاف و أسيب
حتي علشان يفضي مكان
هبدأ م الأول .. واحد مهما وقعت هحاول أشِد 
إتنين .عارف هتعب م العَد ف خلاص مش هعِد