جربت قبل كدة ترجّع كل حاجة لأولها ؟ لأصلها ؟
أو بمعنى أصح ترجّع كل حاجة كبيرة فى حياتك لبدايتها الصغيرة ؟ .. جربت تفتكر البدايات ؟
و إزاى حجات صغيرة أوى غيرت حياتك
إزاى إبتسامة بدأت بيها يومك ولأخر ثانيه فيه فاكرها .. و إزاى موقف بايخ صغير قفلك اليوم كله
إزاى شغفك للكتابة بدأ بكلمة .. و إزاى حياتك معاها بدأت بصدفة جمعتكوا
جربت تفتكر أول مرة شربت فيها سيجارة ؟
جربتى تفتكرى إحساس أول مرة تحطى ميك أب ؟
إزاى صاحب عمرك ممكن يكون كان بدايته معاك بخناقه
و إزاى إكتشافك لنفسك بدأ بتجربة .. إزاى بنيت مستقبلك على فكرة .. وبدأت مشوارك بحلم
جربت تفتكر أكتر أغنية بتحبها عرفتها إزاى ؟ مين سمعهالك ؟
و كل مكان بتحبه امتى أول مرة روحته ؟ كنت مع مين ؟
إزاى كلمة لمستك من جوا وغيرت فيك كتير ؟
إزاى حبها كان دافع للى وصلتله دلوقتى ؟
أول لمسة إيد و أول وجع تحسه أول هدية و أول ضحكة
كان ايه إحساسك أول مرة بتفشل ؟ و إحساسك أول مرة بتنجح ؟
أول مرة حسيت إنك خايف , أول مرة عديت فيها الشارع لوحدك
و إزاى شخص قابلته بالصدفه غيّر أفكارك و معتقداتك وحتى الحجات اللى بتحبها
مكانك دة إزاى وصلتله , و كان ايه السبب اللى خلاك تحس أول مرة باليأس ؟
"إزاى كل بداية عدت علينا مكناش عارفين إنها بداية .. بس فى وقت من الأوقات بنقف ونسأل نفسنا " إزاى
الإجابة دايماً يا بتكون مضحكة .. يا بتكون مؤلمة ..و فى الحالتين أراهنك ان أول كلمة هتقولها لما تفتكر البداية هتكون "ياااااااه " وكل الهوا اللى هتحسه فى كلمة يااه مليان بحجات كتير ساكنه جواك متقالتش
وفى الأخر بردو أراهنك ان إحساسك هيكون حاجة واحدة .. إنك عايز ترجع للبداية دى
عشان حاجة من إتنين .. يا إما عايز ترجعلها وتبدأها تانى بطريقة صح من كتر ماهى حلّت فيك وغيرتك للأحسن
ياإما عايز ترجعلها عشان متبدأهاش أبداً .. ومتبقاش وصلت للى أنت فيه دلوقتى
بس متقلقش , لو سألت نفسك عن البداية يبقى أنت كدة قربت من بداية تانية
وندمك ع البداية اللى فاتت أو فرحتك بيها هو اللى هيخليك تفكر كويس قبل أى خطوة
لأنها ممكن تكون خطوة لبداية جديدة و أنت مش عارف .... **
أو بمعنى أصح ترجّع كل حاجة كبيرة فى حياتك لبدايتها الصغيرة ؟ .. جربت تفتكر البدايات ؟
و إزاى حجات صغيرة أوى غيرت حياتك
إزاى إبتسامة بدأت بيها يومك ولأخر ثانيه فيه فاكرها .. و إزاى موقف بايخ صغير قفلك اليوم كله
إزاى شغفك للكتابة بدأ بكلمة .. و إزاى حياتك معاها بدأت بصدفة جمعتكوا
جربت تفتكر أول مرة شربت فيها سيجارة ؟
جربتى تفتكرى إحساس أول مرة تحطى ميك أب ؟
إزاى صاحب عمرك ممكن يكون كان بدايته معاك بخناقه
و إزاى إكتشافك لنفسك بدأ بتجربة .. إزاى بنيت مستقبلك على فكرة .. وبدأت مشوارك بحلم
جربت تفتكر أكتر أغنية بتحبها عرفتها إزاى ؟ مين سمعهالك ؟
و كل مكان بتحبه امتى أول مرة روحته ؟ كنت مع مين ؟
إزاى كلمة لمستك من جوا وغيرت فيك كتير ؟
إزاى حبها كان دافع للى وصلتله دلوقتى ؟
أول لمسة إيد و أول وجع تحسه أول هدية و أول ضحكة
كان ايه إحساسك أول مرة بتفشل ؟ و إحساسك أول مرة بتنجح ؟
أول مرة حسيت إنك خايف , أول مرة عديت فيها الشارع لوحدك
و إزاى شخص قابلته بالصدفه غيّر أفكارك و معتقداتك وحتى الحجات اللى بتحبها
مكانك دة إزاى وصلتله , و كان ايه السبب اللى خلاك تحس أول مرة باليأس ؟
"إزاى كل بداية عدت علينا مكناش عارفين إنها بداية .. بس فى وقت من الأوقات بنقف ونسأل نفسنا " إزاى
الإجابة دايماً يا بتكون مضحكة .. يا بتكون مؤلمة ..و فى الحالتين أراهنك ان أول كلمة هتقولها لما تفتكر البداية هتكون "ياااااااه " وكل الهوا اللى هتحسه فى كلمة يااه مليان بحجات كتير ساكنه جواك متقالتش
وفى الأخر بردو أراهنك ان إحساسك هيكون حاجة واحدة .. إنك عايز ترجع للبداية دى
عشان حاجة من إتنين .. يا إما عايز ترجعلها وتبدأها تانى بطريقة صح من كتر ماهى حلّت فيك وغيرتك للأحسن
ياإما عايز ترجعلها عشان متبدأهاش أبداً .. ومتبقاش وصلت للى أنت فيه دلوقتى
بس متقلقش , لو سألت نفسك عن البداية يبقى أنت كدة قربت من بداية تانية
وندمك ع البداية اللى فاتت أو فرحتك بيها هو اللى هيخليك تفكر كويس قبل أى خطوة
لأنها ممكن تكون خطوة لبداية جديدة و أنت مش عارف .... **
No comments:
Post a Comment